1. Хараҥаҕа умайбыта соҕотох сулус уота
Көмүс курдук чаҕылыйан алыптаах көстүү үөмэр
Субу түүҥҥэ мин эйиэхэ иҥэриэҕим анал ааты
Кистэлэҥ санаам кутун баҕарабын эн билиэххин

П-в Умайабын, суурайабын сылааскын салгыҥҥа
Тулуйабын, бэринэбин тапталгын көhүтэ
Хараҥа түүн эн дьикти кыыс аптаах абылаҥыҥ
Кууста миигин сэрэппэккэ

2. Туманнаах тыйыс тымныыга эйиэхэ суолум сирдьитэ
Сиэтэн ылан ыҥырбыта ол ыраах да куйаарга
Киниттэн мин ыйытабын сулус буолбут санаабын
Итэҕэйбит эдэр иэйии төлөнө ким буолбутай?