Уугаад суухад минь урам сэргээсэн 
Уугуул нутгийн минь амттайхан цай 
Олон түмний минь ундаа нь болсон 
Орчлонд ганцхан ээжийн минь чанасан цай 

ай хө ээжийн минь амттайхан цай 

Нойрон дунд үзэгдээд байдаг 
Нутгийн минь аагтай амттайхан цай 
Хошуу алгасаад зориод очиход минь 
Нуруу нь намхан ээжийн минь чанасан цай
 
ай хө ээжийн минь амттайхан цай 

Харзны усаар замнаж чанасан цай 
Харийн хүнийг зочилж угтсан 
Хайлган сэтгэлээрээ давлаж сүлсэн 
Хархан нүдтэй ханын минь чанасан цай 

ай хө ээжийн амттайхан цай 

Бяртай эрчүүдийн амталж өссөн 
Биеийнх нь чилээг нь тайлж өгсөн 
Бараа нь харагдах нүүдлийн өмнөөс 
Бариад л тосдог ээжийн минь чанасан цай 

ай хө ээжийн минь амттайхан цай

Монголын минь амттайхан цай