1. Каршылыклар аша барыр юлым,
Белмим аны кайчан үтәсемне.
Сагыныр да үзе килер диеп 
Көтәсеңме, иркәм, көтәсеңме?!
        куш.  
Өзгәләнеп ялгыз аккош сыман,
Яратуым әллә тиккә сине.
Өмет чаткыларын сүндермичә,
Көтәсеңме иркәм, көтәсеңме?!

2. Сагынсам да җае чыкмый тора,
     Күргәнем юк инде сине күптән.
     Уйга батып, эчтән сагышланып,
     Көтәсеңме иркәм, көтәсеңме?!

3. Үз янына мине чакыручы ,
     Тулган ай ул күктә әллә cинме, 
     Китмәс өчен сиңа килүемне, 
     Көтәсеңме иркәм, көтәсеңме?!