Түзәргә кирәк
Рәмил Мәүлетов көе һәм сүзләре

1) Кулларны-кулга кушып уйларны-уйга
Ашыгалар гашыйклар тормыш юлына.
Языла да тузыла аяз һавалар
Яраланып тарала якын аралар

Кушымта.
Нишлисең? Дөнья бит ул, түзәргә кирәк
Сөенә дә көенә, өзелеп йөрәк.
Кулларны кулга кушып, иңгә иң терәп,
Чуалган сукмакларны чишеп бергәләп
яшәргә кирәк.

2) Сөенечтән көенеч бер адым ара,
Үткәннәргә үкенеч бармы икән чара?
Гафу үтенүләрен, кичерүләрен
Күрәсе лә беләсе, өйрән мәгънәсен.

Кушымта.
Нишлисең? Дөнья бит ул, айдай түгәрәк
Әйләнә дә бәйләнә язмыш тәгәрәп.
Кулларны кулга кушып, иңгә иң терәп,
Чуалган сукмакларны чишеп бергәләп
яшәргә кирәк.

3) Бердәнберем син, диеп, өзелеп сөеп,
Тормыш юлын үтәрбез көеп лә сөеп.
Тузыла да языла аяз һавалар
Яраланып төзәлә якын аралар.

Нишлисең? Дөнья бит ул, түзәргә кирәк
Сөенә дә көенә, өзелеп йөрәк.
Кулларны кулга кушып, иңгә иң терәп,
Чуалган сукмакларны чишеп бергәләп
яшәргә кирәк.
Нишлисең? Дөнья бит ул, айдай түгәрәк
Әйләнә дә бәйләнә язмыш тәгәрәп.
Кулларны кулга кушып, иңгә иң терәп,
Чуалган сукмакларны чишеп бергәләп
яшәргә кирәк