"Син күңелдә һаман минеке"
(Ильмира Нәгыймова көе, Л.Гайнутдинова сүзләре)

1. Уйламадым яшьлек язларымда 
Китәр диеп юллар аерылып. 
Яшәрбез дип һич безнеңчә түгел, 
Башка берәүләргә яр булып. 

КУШЫМТА:
Аерым юллар, аерым гомерләр, 
Бездә түгел инде элекке. 
Ләкин йөрәк сине уйлап яши, 
Син күңелдә һаман минеке. 

2. Безнең яздан искән талгын җилләр, 
Йөрәк кылларымны тибрәтә. 
Тыштан тыныч булып тоелсам да, 
Давыл күтәрелә йөрәктә.

КУШЫМТА.

3. Мин сагындым синен күзләреңне 
Аларда бит сөю, наз гына. 
Өмет шәме һаман яна әле, 
Көт дигәндәй мине аз гына.

КУШЫМТА.