Бітер емес сағынышым сезім неге жомарттың
Бір бақытты табу үшін, бір бақытты жоғалттым
Кімге жетті өтінішім, кімнен нені сұраймын
Бір шаттыққа жету үшін, бірнеше рет мұңайдым

Бір шумақты баптау үшін, он шумақты өшірдім
Достың өзін сақтау үшін, сатқындығын кешірдім
Тіршіліктің әр күнінің ғұмырға бар қатысы
Жақсылықтың барлығының - жақсылық па ақысы

Алып өтіп сапар күннен өлеңімнің жарқылын
Асуларға бет алдым мен қияр жолдар арқылы
Жартастың  да қатты тәнін жарып өтер қарағай
Күттім күннің сәтті таңын жастығыма қарамай