Алыптаах да чуумпу киэһэлэр
Тапталы эрийэр этилэр.
Эдэр саас кытылга мустара,
Сүрэххэ сүрэх тэбэрэ.

хос ырыата:
Таптаатым,эйигин таптаатым,
Эн нарын бэйэҕин таптаатым,
Сып-сырдык мичээргин таптаатым,
Күн сирин эйиэхэ бэлэхтиэм.

Сааскы күн сыламныыр уоттара
Эн хара хараххар оонньуура,
Уп-уһун суһуоҕуҥ таайтаран
Ыһыллар мэник тыал тыыныгар.

Эн кэрэ бэйэҕин таптааммын
Ыллыыбын уруйдаан-айхаллаан.
Сиккиэр тыал эргийэ көтүһэн
Иэдэскэр тапталбын сипсийдин.