"АК КАЕН"

Сандугачка серен сөйли
Өй артында ак каен.
Шул каенга сыенып елыйм
Сине сагынган саен.

Куш:
Мин елыйм, мин елыйм
Сине сагынган саен.

Җырчысын чагынып каен,
Көтеп ала май аен.
Ник булмадык икән лә без:
Мин - сандугач, син - каен?

Куш:
Ник булмадык, ник булмадык
Мин - сандугач, син - каен?

Алар бездән бәхетлерәк,
Серләшәләр таң саен.
Ялгыз җанымны яндырма,
Бергә булыйк, тап җаен.

Куш:
Җанымны яндырма,
Бергә булыйк, тап җаен.