Tule rannale, istoi,
Älä piähytty paina.
Aja sydämes tustu,
Sano minule, sano.

Sano, tahtotgo sinä
Eliä [bad word] čomas,
Kuduas sanelen nygöi
Minä pajozes omas.

Sie on kai rounu suarnas,
Peldo kuldaine iespäi,
Lauttu, randaine armas,
Nouzou päiväine viespäi.

Sie se kägöihyt kukkuu,
Kuduan lapsennu kuulit.
Pahat mielet kai lykkiät,
Tulou ihalmo suuri.

Kevät kuldaine tulou
Sinne lähtemmö kahtei.
Vieno tuuli sie tuulou,
Vieröy aldaine lahtes.

Työnän venehen rannas,
Heity laivaine viele.
Kanna, venoihut, kanna
Meidy rannaspäi ielleh.

Sie on kai rounu suarnas,
Peldo kuldaine iespäi,
Lauttu, randaine armas,
Nouzou päiväine viespäi.

Sie se kägöihyt kukkuu,
Kuduan lapsennu kuulit.
Pahat mielet kai lykkiät,
Tulou ihalmo suuri.

Kanna, tuuloihut, kanna
Meijän pajostu loitos.
Kusbo muijal vie, sano,
Nenga ozakas roitos?