Александр Самсонов – Айыы Уола тыллара

Айылҕа чочуйбут оҕото буоламмын
Бу орто дойдуга ыллаары кэлбитим,
Кэрэни, үөрүүнү бэлэхтиир баҕаттан,
Бу ырыам тылларын эһиэхэ аныыбын.

Хос ырыата:

Ханна да, ханна да
Буолларбын ыллыаҕым, 
Мин тыыннаах тылларбын
Эһиэхэ аныаҕым.

Ыллыаҕым ырыабар сүүрүктээх үрэҕи
Туойуоҕум тойукпар толомон хонууну,
Үрдүк таас хайаны, халыҥ тыа ойууру,
Ханнык да дьыл кэмигэр сүрэхтэн иэйэммин.

Хос ырыата.

Бэлэхтиэм эһиэхэ ып-ыраас халлааны,
Сүрэхтэн кутуллар бу тыыннаах тыллары,
Бэлэхтиэм эһиэхэ кырдьыгы хомуйан,
Олоххо кэрэни, үтүөнү баҕаран.

Хос ырыата.