Күзләреңнән күрәм, күзләреңнән,
Син дә мине, син дә сөясең!
Бер тутырып миңа кара дисәм,
Башкаеңны түбән иясең...

КУШЫМТА:
Бер-беребезне өзелеп сөйгәнгәме
Калдырмаган язмыш газапсыз.
Җырларыма  сине кушып җырлыйм,
Мәхәббәт ул булмый җавапсыз.

Юлларыбыз күптән аерылса да,
Син генә бит һаман уемда.
Гомер буе утта ян инде бит
Бер-беребезне сөйгән өчен дә!

Төшләремә килеп керәсең дә,
Бүләк итеп гөлләр бирәсең.
Хакта әллә, шулай төштә генә
Күрешергә язган күрәсең.