1.Сокланмыйча мөмкин түгел
Мондый матур парларга.
Үзләренә кирәк кадәр
Бәхет телик аларга.

Яшәгән саен татлырак
Булсын һәрбер көнегез
Ширбәт ае кебек булсын
Алдагы гомерегез.

2. Хатын-кыз юл бирә белсен
Баш була белсен ир-ат
Бер-береңне кадерләсәң
Сөюгә җитә чират.

Яшәгән саен татлырак
Булсын һәрбер көнегез
Ширбәт ае кебек булсын
Алдагы гомерегез.

3. Өметләрегез һәрвакыт
Аклана алсын иде
Бүгенге мәхәббәтегез
Гел балкып янсын иде.

Яшәгән саен татлырак
Булсын һәрбер көнегез
Ширбәт ае кебек булсын
Алдагы гомерегез.