Әйдә барыйк сәхрәләргә, сәхрәләргә,
Гөлләр араларына, Асылъяр,

Матур яр, гүзәлем,
Өзелә лә үзәгем.

Безнең хәзер тиң чагыбыз, тиң чагыбыз
Былбыл балаларына, Асылъяр,

Асылъяр, күгәрчен,
Күрми ничек түзәрсең.

Яшьлек – безнең багыбыз, багыбыз,
Гөлләр үпкән чагыбыз, Асылъяр,

Матур яр, кошкаем,
Аерылмабыз, дускаем.

Түтәлдәге гөлләр кебек, гөлләр кебек,
Гөрләп үскән чагыбыз, матур яр,

Асылъяр, кошкаем,
Аерылмаек, дускаем.