Марие, Дево Чистая, Пресвятая Богородице, Радуйся, Невесто неневестная. Царице Мати Дево, Руно всепокрывающее, Радуйся, Невесто неневестная. Превысшая Небесных Сил, Нетварное Сияние. Радуйся, Невесто неневестная. Лико́в девичьих Радосте, и Ангелов Превысшая, Радуйся, Невесто неневестная. Небес Честна́я Сило, и Свете паче все свето́в, Радуйся, Невесто неневестная. Честнейшая Владычице всех Небесных Воинств, Радуйся, Невесто неневестная.
   Всех праотцев Надеждо, пророков Исполнение, Радуйся, Невесто неневестная. В подвизех Ты — Помоще, Кивоте Бога Слова, Радуйся, Невесто неневестная. И девам — Ликование, и матерем — Отрадо, Радуйся, Невесто неневестная. Целомудрия Наставнице, душ наших Очищение, Радуйся, Невесто неневестная. Покрове, ширший облака, и страждущих Пристанище, Радуйся, Невесто неневестная. Немощных Покров и Заступнице, Надеждо ненадежных, Радуйся, Невесто неневестная.
   Марие, Мати Христа — Истиннаго Бога, Радуйся, Невесто неневестная. Ааронов Жезле Прозябший, Сосуде тихой радости, Радуйся, Невесто неневестная. Всех сирых и вдов Утешение, в бедах и скорбех — Помоще, Радуйся, Невесто неневестная. Священная и Непорочная, Владычице Всепетая, Радуйся, Невесто неневестная. Приклони ко мне милосердие Божественнаго Сына, Радуйся, Невесто неневестная. Ходатайце спасения, припадая взываю Ти:
   Радуйся, Невесто неневестная.
Перевод И. Болдышевой 
   1. Владычице Пречистая, Царице, Мати Божия: Святая Дѣво чистая, руно, росу приимшее: Небес свѣтлѣйших высшая, самих лучей свѣтлѣйшая: Дѣвичьих ликов радосте, безплотных сил святѣйшая: Небесных высей свѣтлая, Всевышняго селение: Марие приснохвальная, Владычице всепѣтая:
   2. Подательнице кроткая надежды и покрова: Чертоже приснодѣвственный, кивоте Бога Слова: Отроковице тихая, виновнице спасения: Благоуханный цвѣте пречистѣйшаго дѣвства: О славнѣйшая серафим, и херувим честнѣйшая: Премирных ликов ангельских восторг и удивление:
   3. Ты предстоиши Сыну у самаго Престола: Твоей взыскую милости, Родительнице Слова: О древо жизни вѣчныя, о Дѣво, Матерь Славы: Молю Тя тепле, Чистую, Преосвященный Храме: Очисти мя, избави мя грѣховныя пучины: Вручи мя милосердию Божественнаго Сына:
   Радуйся, Невѣсто неневѣстная.