Бийсанарча сатеме
Керара дог делхадеш,
Даьй вахар мо г1айг1ане,
Гуйран михца узам беш,
Даим даьшта тешаме
Г1алаш латт са Паргаме.
Б1аышерашца къувсалуш,
Сийлен ха т1а салтий мо,
Бусташ замай б1аьха муш,
Гораотта- ца ловш мо,
Чурташ санна г1айг1ане
Г1алаш латт са Т1аргаме.
Михца йисай г1айг1а цар,
Лоаман Эсца — дегай дорх.
Юстарбаьнна бала мо,
Йишъяларе тахан сай
Царна дайнар б1аргаго,
Тахка-диста 1аьржа-к1ай,
Даьй дегашта гаргаг1о,
Ухаргвар со зерате
Х1ара денна Т1аргаме.
Михга бала кодабеш,
Валар-вахар хилча мо,
Из шоай зама хьехаеш,
Дувцаш даьшка хинна во,
Лорош са даьй селхане
Г1алаш латт са Т1аргаме.
Лоам т1а сец из 1аьржа морх.
Гойташ са даьй селхане,
Г1алаш латт са Т1аргаме.