Синле елым
Көз көне чыккан кояшым, 
Көз көне аткан таңым, 
Бу - минем гомер көземдә 
Җилкенеп чапкан чагым. 

Көз көне чыккан кояшым, 
Көз көне алган җылым. 
Бу минем назлы, нәзберек, 
Тылсымлы синле елым. 

Көз көне чыккан кояшым, 
Көз көне сызган юлым. 
Бу - минем былбыл телемдә 
Сулкылдар, сызлар кылым. 

Көз көне чыккан кояшым, 
Көз көне алган җылым. 
Бу минем назлы, нәзберек, 
Тылсымлы синле елым. 

Эльмира Шәрифуллина