Бир кунь, ярыкъ олып,
Чевирдинъ бутюн аят ёлумны.
Бекледим сени, сен кельдинъ.
Сыр севгиде, севги буюктир.
Бир олды эки аят,
Ве ондан кельди янъы дюнья.

Багълама

Багъышларым гонълюмни санъа,
Дженнеттен къонып, кельдинъ манъа.
Сен кульсенъ, ача бирден алем.
Биз берабермиз сен, бабанъ ве мен.

2)
Бир заманлар озь севгимни
Мен сакъладым къальпте, бильдирмей.
Шимди исе санъа оны
Мен болюшем, о эп эксильмей.
Арзумны керчек эттинъ,
Дюньямны, келип, денъиштирдинъ.

***

Эвлядым, яврум, къозум,
Назик фиданчыгъым.
Тааджип толу козьлер,
Сенде, къызчыгъым.