Талгын гына Идел ага
Туган ягыма таба.
Бөдрә талларын тирбәтеп,
Кояшта нурлар уйнатып,
Чал дулкыннары ярга кага.

Сагындым авылымны,
Кайчан кайтырмын инде?
Сәлам әйт сөйгән ярыма,
Әткәйгә-әнкәемә лә,
Сәлам әйт тугайларыма /туганнарыма/,

Искә төшә шул чаклар,
Ярым калды еракта.
Шатлыкларын балачакның,
Мәхәббәтем синдә таптым —
Күңелем сиңа тарта.

Сагындым авылымны,
Кайчан кайтырмын инде?
Сәлам әйт сөйгән ярыма,
Әткәйгә-әнкәемә лә,
Сәлам әйт тугайларыма /туганнарыма.