Дүние бір қисық жол бұраңдаған
Бақ қайтса баста дәулет тұра алмаған
Аспаннан алпыс түрлі жауса пәле
Сонда да күдер үзбе бір Алладан

Айтайын мен бір өлеңді тындасаңыз
Тындаған мың көпшілік қолдасаңыз
Дүние іші қуыс бір бәйтерек
Кетеді жарға құлап ырғасаңыз
Па, шіркін, қара жорға тисе қолға
Кетер ем алыс сапар ұзақ жолға

Дүние өкінемін жалғаныңа
Жеткізген қай пендесін арманына
Бірге өскен кішкентайдан, беу, құрбым
Көнерсін тағдырдың бір салғанына

Бір өлең айт дегенде аярым жоқ
Азырақ желісім бар аяным жоқ
Жігіттер жастық шақта сыйласып өт
Өтеді бұл жалғаным баяны жоқ
Па, шіркін, қара жорға тисе қолға
Кетер ем алыс сапар ұзақ жолға