Килер юлларыңа чыгып тордым 
Бүген алар никтер томанлы 
Көтә-көтә әллә арыганмын
Юата да алмыйм җанымны
Үтәмәгәч әйткән сүзләреңне
Ышандыру кирәк идеме?
Ни уйларга белми көткәнемне
Җилләр барып сиңа әйтерме?

Онытасым килә, юк итәсем килә
Йөрәгемдә булган яраларны
Җавап эзли күңел, җаным һаман көтә
Өзмик әле, Җаным, араларны!

Йөрәгемнең җиде кылы белән
Аңлап алдым синең күңелне
Ниләр уйлавыңны әйтми калсам
Ике йөзле булам түгелме?
Үтәмәгәч әйткән сүзләреңне
Ышандыру кирәк идеме?
Ни уйларга белми көткәнемне
Җилләр барып сиңа әйтерме?

Онытасым килә, юк итәсем килә
Йөрәгемдә булган яраларны
Җавап эзли күңел, җаным һаман көтә
Өзмик әле, Җаным, араларны!

Килер юлларыңа чыгып тордым 
Бүген алар никтер томанлы
Көтә-көтә әллә арыганмын
Юата да алмыйм җанымны

Онытасым килә, юк итәсем килә
Йөрәгемдә булган яраларны
Җавап эзли күңел, җаным һаман көтә
Өзмик әле, Җаным, араларны!