Ма сиха къанло вай, ма к1еззиг деха.
Йа чомахь ца йоккху и йоца хан.
Цамгарша го буьлли къиза во чеха.
1ожалло катухий туьйсуту чан.

 

Дех-ненах, йиш-вешех, безачех къаьсти.
Ша вуьси бала бо нахана шех.
Замано къонаниг хьо хьагош хьости,
Хьо ца леш вахвалар ма детта т1ех.

 

Вайх дуьне дуьсур ду шеко а йоцуш.
И шай ду моьттинарш бисна а бац.
Хьо вахарх кхи оьшуш х1умма а доцуш,
Валарца дуьстича вахар дош дац.

 

Ма сиха къанло вай, ма к1еззиг деха.
Йа чомахь ца йоккху и йоца хан.
Жоп доьхуш эхартахь хьизор ду техьа,
Вай лаьттахь мел лайнаг хоьтитуш г1ан.