Нарт санэ къабзэр дэнкlи щожэх,
Зэхолъэдэжри псышхуэу къожэх.
Дызэхуэвгъэси псори зы жьэгу
Ди бзэ, ди хабзэ хуэдвгъэщlыт джэгу.
Дызэхуэвгъэси псори зы жьэгу
Ди бзэ, ди хабзэ хуэдвгъэщlыт джэгу.

Ежьу:
Хабзэм хуэдвгъэщlи пщlэ…
Пхъэ дакъэжь дэпк1э лы гъур гъэжьа,
Мэрамэжьейуэ махъсымэ фалъэ,
Данагъуэм хуэдэу пlастэ шыуан,
lэнэ лъакъуищым фхутезгъэувэнщ
Хабзэм хуэдвгъэщlи пщlэ,
Хабзэм хуэдвгъэщlи пщlэ…

Къэбэрдейм фыкlуэ хабзэ фыхуейм ―
Зэгуэр щыжаlэу щытащ дунейм.
Къуршыфlхэм хуэдэу си лъэпкъ щхьэхуит,
Фызэхуэсыжи хабзэр къэфlэт.
Къуршыфlхэм хуэдэу си лъэпкъ щхьэхуит,
Фызэхуэсыжи хабзэр къэфlэт.

Ежьу

Ежьу

Адыгэш къабзэу щlыгур зыгъэш,
Ди щlалэгъуалэм гъуэгу яхухэш.
Игъуэ нэсащи тщlыну гунэс
Ди бзэ, ди хабзэ хуэдвгъэщl нэмыс.
Игъуэ нэсащи тщlыну гунэс
Ди бзэ, ди хабзэ хуэдвгъэщl нэмыс.