Сөз айтпай саған кетейін
Сыртыңнан сүйіп өтейін
Өзің айтшы жарығым
Ұнатпасаң нетейін

Бітейін десе бітпейді
Есімнен енді кетпейді
Жылайды жүрек жылайды
Сабырын мүлде етпейді

Күтпейді бақыт ендігі
Сыйдырмай жердің кеңдігі
Кезінде талай сендірген
Сезімнің кайда теңдігі

Теңімен тапса бақытын
Теңіңді тап алтыным
Лайыкты саған болмасам
Жазылған солай тағдырым

Не пайда сықтап жылаудан
Ұялам сөзіңді сұраудан
Бостандығынан айырылған
Жүректі құтқар қамаудан

Алдында Алла дәрежем
Болсада бірдей өзіңмен
Ал қазір олай емесін
Неге екенінде түсінем

Айтпаяқ сөз сондықтан
Өткінші жаңбыр секілді
Өтейін де кетейін
Өмірге тастап өкпемді
Кудайберген Кайрат