Серігім, сенерім, сырыңа егемін,
Сүрінбе сен өмірде.
Жанымда жүрші өзің,
Жаным-ау бұл сезім жүректің тереңінде.

Мен үшін өмір өзің,
Мен аққу, көлім өзің.
Сезімге толы көзің ұнайды.
Алқынған жанымбысың?
Алтыннан қадірлісің.
Ұнайды маған сенің,
Салмақты сабыр күшің.

Қырдағы гүлмісің, сырғалы күнбісің,
Жырдағы жыр құсым ба?
Шарықтап өмірде, қалықтап көгімде,
Қалайсың бірге ұшуға.

Мөлдір көз дара ботам,
Мөлдіреп қара ботам.
Мінезің анама тән, ұнайды.
Торласа санамды мұң,
Әніме салам бүгін.
Ұнайды маған сенің ақкөңіл адалдығың!

Тағдырым таңдағасын, таңдауға жар боласың,
Ақ арман алдамасын, асылым.
Күн кешіп мамыражай,
Сағынып сәл ұзамай,
Бақытты күн кешейік арамыз ажырамай!