Көк шыққанға бір қуанып,
Шөп шыққанға бір қуанып,
Өмір өтті-ау сырғып ағып, сырғып ағып.
Сарғалдаққа бір қуанып, 
Қызғалдаққа бір қуанып, 
Өмір өтті-ау сырғып ағып, сырғып ағып

Көк аспаннан бара жатыр
Өмірімнің жұлдызы ағып
Жетем деген арман жолы 
Бара жатыр жылда ұзарып
Жұлдыз неткен мұңлы жарық, мұңлы жарық

Ескі доспен кездескенде,
Есін шығып, шың қуанып.
Өмір өтті-ау сырғып ағып, сырғып ағып
Өсем деген ұлды бағып, 
Кетем деген қызды бағып,
Өмірімнің бара жатыр жұлдызы ағып.

Көк аспаннан бара жатыр
Өмірімнің жұлдызы ағып
Жетем деген арман жолы 
Бара жатыр жылда ұзарып
Жұлдыз неткен мұңлы жарық, мұңлы жарық

Қайран өмір сонша сүйген,
Кетесін-ау бір күн алып,
Ғұмыр өтті-ау сырғып ағып, сырғып ағып.