Біз енді қайтер екенбіз?
Жақынбыз және бөтенбіз.
Алыстан келсең, алдыңнан
Су алып шығар бөтен қыз...

Қайырмасы:

Тон алар, бәрі тон алар...
Өзіңдей кімдер бола алар?
Жоғалар бір күні, жоғалар, 
Мен сыйға тартқан орамал.

Тағдырдың болды жазғаны,
Жар етіп алдым басқаны.
Өзің боп қалдың мәңгілік
Арманның биік асқары

Қайырмасы:
 
Тон алар, бәрі тон алар...
Өзіңдей кімдер бола алар?
Жанымды-ай жүр ғой жылытып 
Сен сыйға тартқан орамал

Сен қайда қалып барасың?
Қарайған нүкте ғанасың.
Жанымды үнсіз жаралап,
Жарасын өзің таңасың.

Қайырмасы: 

Тон алар, бәрі тон алар...
Өзіңдей кімдер бола алар?
Жоғалар бір күні, жоғалар, 
Мен сыйға тартқан орамал.

Жанымда жүрер бөлінбей,
Орамал сенің көзіңдей.
Оралған сол бір көктемнен
Алғашқы нәзік сезімдей!

Қайырмасы:
 
Тон алар, бәрі тон алар...
Өзіңдей кімдер бола алар?
Жанымды-ай жүр ғой жылытып 
Сен сыйға тартқан орамал

Мазамды алды мына ақшам,
Семсерін кезеп сұрақ сан.
Күлдіріп отыр басқа жан,
Жақсы еді-ау сен кеп жылатсаң.

Қайырмасы:

Тон алар, бәрі тон алар,
Өзіңдей кімдер бола алар?
Жоғалар, бір күн жоғалар,
Мен сыйға тартқан орамал.

Орамал сірә тон емес, 
Жастықтан қалған ол елес.
Сүйікті жанның сезімін
Жүрексіз ғана елемес!

Қайырмасы:
 
Тон алар, бәрі тон алар...
Өзіңдей кімдер бола алар?
Жанымды-ай жүр ғой жылытып 
Сен сыйға тартқан орамал.