Илĕртÿллĕ ташă каçĕ,
Çутăсем хитрен выляççĕ.
Эп вара ма тунсăхлатăп?
Тен, сана паян шыратăп?
Асăрха мана эс, тусăм,
Ман енне тусамччĕ утăм.
Пĕр-пĕрне сăмах хушар,
Эп пачах та хирĕç мар.

Хĕр пĕрчи сана кичем,
Паллашар эппин атя,
Ят-шывна эс пĕлтерсем,
Ăçтисем пулан тата?
Эпĕ савăк та чипер,
Кĕçĕр çав-çавах пĕччен,
Эп каччи пит чăнкăскер,
Никамран та ан шиклен.

Ташша яр эс, ташша яр
Çамрăк чунăма çунтар.
Ташша яр эс, ташша яр
Кайăк пек çунатланар.
Ташша яр эс, ташша яр
Çамрăк чунăма çунтар,
Яланах пĕрле пулар.
Ташша яр эс, ташша яр.

Эс япшар çеç калаçатăн,
Пуçăма-ши çавăратăн?
Санпала ташланă майăн
Ухмаха тухса ак кайăп.
Эсĕ чи телейлĕ çăлтăр
Йăлкăшатăн йăлтăр-йăлтăр.
Голливуд Чăваш Енре,
Эс Ди-Каприо пекех.

Мĕн тери пире аван,
Шухăшлар мар ним çинчен.
Кам тавлашĕ манпалан?
Эс илемлĕ пуринчен.
Эй диджей хавас юрра
Хыттăн янăрат паян.
Çак асамлă каç вара
Тухмĕ пирĕн асăмран.

Ташша яр эс, ташша яр
Çамрăк чунăма çунтар.
Ташша яр эс, ташша яр
Кайăк пек çунатланар.
Ташша яр эс, ташша яр
Çамрăк чунăма çунтар,
Яланах пĕрле пулар.
Ташша яр эс, ташша яр.

Ташша яр эс, ташша яр
Çамрăк чунăма çунтар.
Ташша яр эс, ташша яр
Кайăк пек çунатланар.
Ташша яр эс, ташша яр
Çамрăк чунăма çунтар,
Яланах пĕрле пулар.
Ташша яр эс, ташша яр.