Килде көткән язлар,
Күңел тулы назлар,
Киң аланнар гөлгә күмелә.

Үткәннәрне уйлап,
Бераз яман сулап,
Килдем әле аккош күленә.

Аккош күле тонык,
Тирә ягы тымык,
Сер сөйләшә зифа камышлар.

Һичкенә дә тыңмый,
Колагымда чыңлый,
Таныш моңнар, таныш тавышлар.

Бәлки килерсең дип,
Килсәң күрерсең дип,
Яр башында учак кабыздың.

Пар аккошлар суда,
Горур йөзеп уза,
Ә, мин ярда япа — ялгызым.