Җәйләр әле җәйләр үтмәгән бит
Бакчаларың тулы гөл әле
Син яраткан гөлен чәчәк атты
Кил әле син миңа кил әле 

Таң нурыдай назлы карашыңнан
Тибрәтсеннәр күңел кыллары
Яз каршына очкан тургайлардай
Очсын әле йөрәк жырларым

Йөрик әле гөлләр арасында
Шатлык мизгелләрең кичереп
Серле моңга чумган тын бакчала
Җан зарыктан хистән исереп

Таң нурыдай назлы карашыңнан
Тибрәтсеннәр күңел кыллары
Яз каршына очкан тургайлардай
Очсын әле йөрәк жырларым

Беләм тагын зәңгәр күзләренә
Кара шәүлә булып моң тулыр 
Ул моңнардан якты җырлар туар 
Миннән бүләк сиңа шул булыр

Таң нурыдай назлы карашыңнан
Тибрәтсеннәр күңел кыллары
Яз каршына очкан тургайлардай
Очсын әле йөрәк жырларым