Әнвәр Нургалиев – Туган көн (И. Низамов көе, Р.Хәкимҗанов сүз.) 

Хуш ис чәчеп гөлләр көлә, 
Җилләр дә дәртле бүген. 
Бар дөньяда бәйрәм генә, 
Синең бит туган көнең. 

Туган көнең, туган көнең 
Күңелеңә дәрт өстәсен. 
Синең hәрбер туар көнең
Сипсен бәхет көлтәсен.

Уен-көлке өзелмәсен 
Сыйлы табыннарыңда.
Җәй урталары гына бит 
Гомерең календарында. 

Туган көнең, туган көнең
Күңелеңә дәрт өстәсен. 
Синең hәрбер туар көнең 
Сипсең бәхет көлтәсен. 

Еллар ага, ә күңелләр 
Калсын яшь килеш кенә.
Сөйгән яр назы өстәлсен 
Йөрәкләр тибешенә.