Зи рикl хурай акъудмир,
Зун рикlелай алудмир,
Вилерал накъвар гъемир.
Кlаниди чан кlаниди.

Чун кьведни санал хьурай,
Чи рикlерни шад хьурай,
Аллагьди бахтар гурай,
Кlаниди чан кlаниди.

Килигда зун вилериз,
Темен гуда гъилериз,
Санал фида чуьлериз,
Кlаниди чан кlаниди.

Чун кьведни санал хьурай,
Чи рикlерни шад хьурай,
Аллагьди бахтар гурай,
Кlаниди чан кlаниди.

Ширин я заз ви гафар,
Авуна вун ихтибар,
Ви рикl фирай мурадай,
Кlаниди чан кlаниди.