Сыгыр даңның хаяазында
Чылгы дозуп халып турдуң.
Чыраа-Бораң мунуп алгаш
Чындыңнадыр челзип турдуң!

Дуруяалар чанып чанып турда
Тулчуушкунче аъттанган сен.
Турлаг чуртта кырган иең
Тура чааскаан артып калчык.

Шеңне чечээ частып турда
Чедип кээрин аазаан сен.
Чеже манаар, кырган иең
Чевег черде чыдып алды.

Сактырымга бораң мунгаш
Шалба чайып турган дег сен.
Сактырымга, чылгыларың
Чайлаг черже сүрген дег сен.

Дүне када дүжей бээр мен,
Караам уунга көстүп кээр сен.
Дүне када уйгум келбес,
Кады базып чоруур дег бис.

Кажан аалга чедип кээр сен,
Кажан катап көстүп кээр сен?
Кайы черден халып кээр сен,
Кажан меңээ чедип кээр сен?