[www.Kaz-Muz.Kz]
Әні, сөзі: Мұхтар Шаханов

Махаббат елі
 
Дархан тағдыр сені маған жолықтырды қайдан,
Өміріме нұрлы көктем болып кірдің айнам.
Бір сәтке де босай алмай өзің жайлы ойдан,
Жүрегімде басталады бір майдан.
 
Қайырмасы:
Перзентісің гүлім,
Махамбеттің жырын,
Тудырған ұлы өлкенің.
Аямашы құрбыңнан көркемім,
Жүрегіңнің бар нұрын.
Жанарыңда сенің
Жатыр екен менің тағдырым.
 
Біздің жастық шағымыздай қанатын кең жайып,
Барады ағып бабамыздың ерке өзені Жайық.
Өр теңізге бағыт ұстап жағада тұр кемем,
Кешігем деп ойламайсың неге?
 
Қайырмасы:
Перзентісің гүлім,
Махамбеттің жырын,
Тудырған ұлы өлкенің.
Аямашы құрбыңнан көркемім,
Жүрегіңнің бар нұрын.
Жанарыңда сенің
Жатыр екен менің тағдырым.
 
Оңайлықпен асу бермес қырқасы мен белі,
Түу алыста қолын бұлғап тұр махаббат елі.
Желкеніңді пенделіктің билемесін желі,
Бір жоғатсаң таба алмайсың мені.