1. Верало тӥлед, эшъёс,
Егит дыр мылкыдъёсмес.
Ку нылъёсты малпаса
Ми ӧм кӧлэ уйёсмес.
Припев:
Эх, нылъёс, эх нылъёс,
Тӥ чебер нылъёс!
Пиослы, пиослы
Сюлэм висёнъёс!

2. Синмаським кыкнамы ик
Мусоесь сьӧд синъёслы.
Кырӟаса арган гурэн,
Ӝытъёсы келяллямы.
Припев:
Эх, синъёс, эх, синъёс,
Мусо синъёс!
Милемлы, милемлы,
Тӥ лулӟылонъёс!

3. Но юнме ветлиськеммы,
Висьтэмъёс вылӥськеммы.
Сьӧрлось гуртысь пияшлы
Бызиз яратон нылмы!
Припев:
Эх, сюлэм, эх, сюлэм,
Со ог-ог сюлэм!
Пӧяны, пӧяны
Быгатэ вылэм!

4. Бен туннэ но малыке
Сюлэмын весь бугыртске,
Егит дыр тодэ лыктэ,
Чебер ныл ке пумиське.
Припев:
Эх, нылъёс, эх нылъёс,
Тӥ чебер нылъёс!
Пиослы, пиослы
Сюлэм висёнъёс!