Исле гөлләремә сулар сибәм көндә,
Бөреләнгән алар чәчәк атарга.
Хуш исләрен исним, үзем сине күзлим,
Вакыт җиткән инде сиңа кайтырга!

Яратмасам сине, мин көтәр идемме?
Минутларны санап иртәсен - кичен...
Назлы гөлем диеп, иркәләсәң сөеп,
Чәчәкләр атармын, тик синең өчен...

Озаклама иркәм, мин сагынып көтәм,
Тәрәзәгә карап гөлләрем белән...
Сине көтә - көтә, сабырлыгым бетә,
Эшең күп икәнен болай да беләм!

Яратмасам сине, мин көтәр идемме?
Минутларны санап иртәсен - кичен...
Назлы гөлем диеп, иркәләсәң сөеп,
Чәчәкләр атармын, тик синең өчен...

Исле гөлләремә күз сал әле син дә,
Таҗларым ашкыну сиртеп хуш исен
Мин дә сагындым - дип, җылы сүзләрең сип,
Алларыңда чәчәк атармын үзем!

Яратмасам сине, мин көтәр идемме?
Минутларны санап иртәсен - кичен...
Назлы гөлем диеп, иркәләсәң сөеп,
Чәчәкләр атармын, тик синең өчен...