1)Шатлыҡ өҫтәп тормошома
Тыуҙың һин күҙ нурым.
Йоҡла, йом күҙең, йондоҙом,
Һиңә был йырым!

Ҡушымта:
Әли-бәли бәү-бәү,
Күҙ теймәһен, бәпкәм,
Ай нурҙары һинең йөҙөңдә.
Мөхәббәт емешем, алтыным, көмөшөм,
Йыһандың бар наҙы үҙеңдә,
Йоҡла балам, бәү-бәү...

2)Һин йылмайһаң, таң атҡандай,
Көлһәң, шишмә көнләшә.
Аҡ булһын ғүмер юлдарың,
Рәхәттә йәшә!

Ҡушымта:
Әли-бәли бәү-бәү,
Күҙ теймәһен, бәпкәм,
Ай нурҙары һинең йөҙөңдә.
Мөхәббәт емешем, алтыным, көмөшөм,
Йыһандың бар наҙы үҙеңдә,
Йоҡла балам, бәү-бәү...

3)Аяҙ булһын һәр саҡ күгең,
Матур төштәр күр һин.
Эй, Хоҙай, бар сабыйҙарға
Бәхеттәр бирһен!

Ҡушымта:(2)
Әли-бәли бәү-бәү,
Күҙ теймәһен, бәпкәм,
Ай нурҙары һинең йөҙөңдә.
Мөхәббәт емешем, алтыным, көмөшөм,
Йыһандың бар наҙы үҙеңдә,
Йоҡла балам, бәү-бәү...