Պարտեզում վարդեր բացված` 
Կսպասեն սոխակի, 
Առանց սոխակ թառամած, 
Կարոտ են պսակի: 

Արդյոք ո՞վ է, դուռն է թակում, 
Ա՛խ սիրտս կդողա, 
Իմ սիրուհիս, ո՞ւր է գնում, 
Ա՛խ, սիրտս կխաղա: 

Գետակի ալիքները 
Գնում են խայտալով, 
Սիրահարի աչերից 
Արտասուք թափելով: 

Սիրուհին տանը նստած` 
Սպասում է յարին, 
Քնարը ձեռքին բռնած 
Նվագում լալագին: 

Թիթեռը ճրագի մոտ 
Շրջում է անդադար, 
Մինչ իր վերջ սիրակարոտ 
Չունի նա օր, դադար: 

Սիրուհին տանը նստած` 
Գրում է նամակներ, 
Խիստ տրտում կանցկացնե 
Իր գեղեցիկ օրեր: