Юха а т1еман къахь вайн махкахь г1аьтти, 
Юха а гуш ма ю г1аланаш йогуш, 
Оьгуш бу маьрша нах шокъалли кхетта, 
Юха а наной бу к1енташна боьлхуш.

Массо а гийча ву къаръеш а харцо, 
Т1ом бан а, вала а шен халкъан сийна, 
Цхьаннан ницкъ кхочур бац вайх лай дан, дацо, 
Хьоьшур яц мостаг1чо вайн бецаш сина.

Припев: 
Дог1маш а нисдина, гуора ца оьгуш,
Гур ду вай доьхьала, мостаг1ий эшош, 
Халонаш ловр а ю Даймехкан доьхьа, 
Маьрша а дехар ду, девр а ду хелха.

Еха яц дуьнен чохь йоккху хан цхьаммо,-
Х1оранна лууш ду ирс долуш ваха. 
Вай-м ца г1иртина цкъа нехан ц1ий 1ано, 
Xlappa бен дуьнен чохь меттиг яц даха.

Припев: 

Тахана вайн махкахь т1еман к1ур г1аьтти, 
Юха а луьра герз Даймахкахь дуьйлу, 
1ожаллин д1овш х1инца вайна т1е детта, 
Баланехь хьийзаш бу вайн наной, боьлхуш.

Припев: