Беларуская народная песьня

На вуліцы мокра,
А на ґанку суха,
Выйдзі, выйдзі да мяне ты,
Мая харашуха!

Ой, выйдзі, выйдзі,
Ой, выйдзі, выйдзі,
Выйдзі, выйдзі да мяне ты,
Мая харашуха.

Ехаў да цябе я
Цераз чыста поле,
Сустракалі мяне дзеўкі
Ў зялёнай дуброве.

Ой, сустракалі,
Ой, сустракалі,
Сустракалі мяне дзеўкі
Ў зялёнай дуброве.

Адна дзеўка Ганна,
Другая Мар'яна,
А ты лепшая за іх,
Мая ты кахана.

Ой, ды кахана,
Ой, ды кахана,
А ты лепшая за іх,
Мая ты кахана.

Покуль гаварылі,
Коні прытамілісь,
Як паехаў да каханай –
Здаровенькі былі.

Ой, як паехаў,
Ой, як паехаў,
Як паехаў да каханай,
Здаровенькі былі.