1.Сұқтанып тұрып жанарың,
   Сұрама неге қарадың?
   Солай да, солай, қарағым,
   Отыздан асып барамын.

    Шашымның санап әр ағын,
    Таңырқай берме, қарағым.
    Санаулы басқан әр адым,
    Отыздан асып барамын.

Қуанып кейде қаламын,
Қуарып кейде қаламын.
Қартайған ата-анамның
Соңынан еріп барамын.(екі рет)

2.Белгісі тұр ма ағаның,
   Бетіме неге қарадың?
   Бақытым тілеп баланың,
   Отыздан асып барамын.

   Әзілің қайда, қарағым,
   Әжімге несін қарадың ?
   Артымда қалып аларым,
   Отыздан асып барамын.

Қуанып кейде қаламын,
Қуарып кейде қаламын.
Қартайған ата-анамның
Соңынан еріп барамын.(екі рет)

3.Солай да, солай, қарағым,
   Көңілдің таппай қалауын.
   Жастықтың жықпай жалауын,
   Отыздан асып барамын.

   Әзілің қайда, қарағым,
   Әжімге несін қарадың ?
   Артымда қалып аларым,
   Отыздан асып барамын.
         
Қуанып кейде қаламын,
Қуарып кейде қаламын.
Қартайған ата-анамның
Соңынан еріп барамын.(екі рет)