Гуртэ, мынам гуртэ,
Бадӟым ик со овол.
Яге, вордскем гуртэ,
Котыр берга сильтӧл.
Али но та гуртын
Улэ пинал дыры.
Али но со отын
Ветлэ гольык пыдын.

Деревентка моя деревенька
не такая она и большая
...родимая деревенька ,
вокруг кружится ветер.
в этой деревеньке и сечас
живет детское время .
И сейчас он там
Ходит босиком.

Татын мон вордӥськи
Шуныт корка пушкын.
Бӧрдӥ но вераськи
Анай-атай кылын.
Татын ик яратӥ
Гуртысь ӟеч калыкме.
Татын ик яратӥ
Вож сад кадь шаерме.

Ноку уг вунэты
Льӧмдэ но палэзьдэ,
Ноку уг вунэты
Няньдэ, ошмес вудэ.
Ноку уг вунэты
Чылкыт Ыты шурдэ.
Ноку уг вунэты
Ужын тыршись калыктэ.

Толэзь уй инметӥ
Кузё сямен ветлэ,
Лобе гуртэ вылтӥ,
Утча кадь со монэ.
Эн утча, толэзе,
Пичи бырем гуртысь,
Уд шедьты, пиштӥсе,
Ноку монэ отысь.

Гуртэ, мынам гуртэ,
Бадӟым ик со овол.
Яге, вордскем гуртэ,
Котыр берга сильтӧл.
Али но та гуртын
Улэ пинал дыры.
Али но со отын
Ветлэ гольык пыдын.