Бөреләргә тулган хисләремне
Бүген килеп, чәчкә аттырам. 
Теләсәң, ян дөрләп минем белән, 
Чаткылардан ялкын чакырам. 

Борма-борма урау юллар белән
Сиңа килдем бүген, кадерлем. 
Үкенүләр үткәннәрдә калсын,
Бүгенгенең белик кадерен. 

Хәзер инде бер көч җиңә алмас,
Сүндералмас минем хисләрне. 
Яннарыңда гел булырмын, иркәм,
Иртәләрен, көнен, кичләрен. 

Бөреләргә тулган хисләремне
Бүген килеп, чәчкә аттырам. 
Теләсәң, ян дөрләп минем белән,
Чаткылардан ялкын чакырам. 

Борма-борма урау юллар белән
Сиңа килдем бүген, кадерлем. 
Үкенүләр үткәннәрдә калсын,
Бүгенгенең белик кадерен.