Меңээ ынчан, ынак мен деп сөстер сөглээш
Мээң чүрээм отуруп кааш, хөлзедип кааш
Бодуң ам кээп, өске оолга дужуп алган
Ээн черде мени кагаш чоруй бардың

Хомудалдан, караам чажы бадып турда
Холум сунуп эжим сеңээ чаннып турдум
Хорадава, өске оолга ынак мен дээш
Хая көргеш, эжиң менден чоруй бардың

Оон бээр ам, хөй-ле чылдар шуужуп эрткен
Ол-ла хевээр эжим сени чоктап чор мен
Аңгы салым шилип алган уруг сен дээш
Аарып чоруур сеткилимни кым-даа билбес