Толған айдай қабағың,
Сағынғанда жанарың.
Кім болды екен сол қыздың,
Азып сүйген адамы?

Сыңғырлаған күлкіңде,
Қарақаттай көзіңде.
Қандай ғажап болды екен,
Мен білмейтін өзіңде.

Қайырмасы:

Арай төгіп таңдарға,
Ляззат сыйлап жандарға.
О махаббат, махаббат,
Қиялменен арманда.

Мен өзіңнен сезіндім,
Шегі барын төзімнің.
Нұрын төктің көзімнің,
Менің жастық кезімнің.

Содан бері күн өтті,
Айлар өтті жыл өтті.
Жалғанда сен адасып,
Қайда жүрсің сүйіктім.