ПЕСНЯ О РОДНОМ КРАЕ = 
ГДЕ ТЫ ПОЯВИЛСЯ НА СВЕТ
Е. Крылатов – Л. Дербенёв
Перевод на удмуртский – Ю. Разиной

Югыт дуннеын, пие, та дуннеын, 
Синмез кыско льӧль инвисъёс, 
Пумтэм ӧтчасько паймымон интыос, 
Нуо палэнэ сюресъёс. 
Нош кытын гинэ медад луы, тон тод, 
Ӟардӥсь шундыен сайкакуд: 
Вань номырин но воштонтэм со инты, 
Кытын вордӥськид тон, 
Кытын вордӥськид тон, 
Инты, кытын тон вордӥськид. 

Ӝужыт вожесь пальмаос, йӧ гурезьёс, 
Яркыт зарезь ву буёлъёс – 
Со ваньмыз тонэ мальдытоз, асэстоз, 
Но ваньмыз ик – оскы – ортчоз. 
Аслыд улондэ, уждэ бырйы – ачид, 
Но только – вакыт ортчемъя –
Ӵемысь вӧталод кызьпуо шаердэ, 
Кытын вордӥськид тон, 
Кытын вордӥськид тон, 
Сое, кытын тон вордӥськид. 

Али сюресъёс сярысь тон кырӟаськод, 
Дырыд нош вуиз ке, пие,
Дорад берытскод но огпол валалод:
Уг пот ни берен кошкемед.
Нош мон оскисько, валалод тон ачид:
Сюлмаз ке тонэ кин возе,
Уз луы кайгу но, мӧзмон но отын, 
Кытын вордӥськид тон, 
Кытын вордӥськид тон, 
Отын, кытын тон вордӥськид.