Дарё – тошқин, сувлар – тўлқин, ўтолмасман,
Отим – ориқ, манзилимга етолмасман.
Отгинамни ориқ қилган шу майда тош,
Рангинамни сариқ қилган шу қалам қош.
Жоним, укажоним, қуралай кўзим!
Рангинамни сариқ қилган шу қалам қош!  

Дарёларнинг ўр юзида ўйларингиз,
Оқаришиб кўринади бўйларингиз,
Ипакмиди, бахмалмиди кийганингиз,
Бизлардан ҳам ортиқмиди суйганингиз?
Жон, укажоним, қуралай кўзим,
Бизлардан ҳам ортиқмиди суйганингиз?

Дарёлардан ўтар эдим, ўтар эдим,
Суйганимга етар эдим, етар эдим,
Мен севсам, ул севмаса,мен нетар эдим,
Шўрлик бошим олиб, қайга мен кетар эдим?
Жон, укажоним, қуралай кўзим,
Шўрлик бошим олиб, қайга мен кетар эдим?