1. Кэрэ түүл көhүннэ кынаттаан көтүтэн
Нарын кыыс мичээрэ сүрэхпин долгутан
Кимҥиний диэбиттии өрө көрөн турбута
Тапталын этэрдии имнэнэн ылбыта

Х/ы Оо таптал эн кэрэҕин
Ырыа буолан көтөҕүн
Оо таптал эн дьиктигин
Миэхэ түүлбэр киирэҕин

2. Кыысчааным сүтүмэ түүлбүттэн барыма
Эйэҕэс мичээргин эн кистии сатаама
Минньигэс уостаргын саhыара туттума
Туналҕан быыhынан күрэнэн куотума

3. Кэрэ түүл үрүҥ түүн кэриэтэ
Кылгастык да көстөн ааhаҕын
Муҥур быа түмүгүн кэриэтэ
Салҕана турбаккын, быстаҕын
Мин түүлүм көстүбэт кынатын
Бу илэ олохпор суохтуубун
Ол аата сүрэхпин барытын
Эйиэхэ туттарбыт эбиппин