1. Ардыгар түүн уhуктан кэлэн
Олоххун ырытан көрүөххүн
Кэннигэр хаалларбыт сылларгар
Ким аата эйиэхэ күндүнүй
Түүн эйигин кэтэhэргэ
Утуйбакка эрэйдэнэр
Ким эн тускар өйүн сыспытай
Ким сарсыарда эн тураргар
Сылаас чэйи кутар этэй
Биллэн турар ийэлээх аҕаҥ

2. Ардыгар түүн уhуктан кэлэн
Олоххун ырытан көрүөххүн
Дууhатын толору эн тускар
Кэлэйбэккэ ким толук ууртай
Ыарыйдаргын тэҥҥэ ыалдьар
Yөрдэххинэ тэҥҥэ үөрсэр
Эн сүрэххин сүрэх оҥостор
Буруйданар сэмэлэнэр
Түгэннэргэр ким өйүүрүй
Биллэн турар ийэлээх аҕаҥ

3. Аан бастаан күн сирин көрөргөр
Ким таптыыр хараҕа баар этэй
Аан бастаан эн күлэр куоласкар
Ким истэн үөрбутэй-көппүтэй
Ким эн ааккын ааттаабытай
Ким эйигин таптаабытай
Ким эйигин киhи оҥордой
Сиргэ бастаан үктэнэргэр
Ким эйигин өйөөбүтэй
Биллэн турар ийэлээх аҕаҥ