"Синең кебекләр юк"

1. Кем, синең кебек, елмая
Дөньямны күмеп нурга?
Кем, синең кебек, эндәшә,
Охшатып матур җырга?

Кушымта:
Синең кебекләр юк бит ул,
Син генә - берәү генә!
Шуңа син генә юл таптың,
Шуңа син генә юл таптың
Наз тулы йөрәгемә.

2. Кем соң, синең кебек, шаян?
Юри генә үпкәли?
Кем, синең кебек, ярата,
Синең кебек иркәли?

3. Кем, синең кебек, кадерле,
Җанга якын, кадерле?
Кем аңлый белә үпкәмне
Һәм бәхетле чагымны?