Nana çkimda komoxti nana 
Mcveşi lazuri tkvala mibiri nani nana 
Nana çkimda komoxti nana 
Mibiri nani nana vağuras nani nana. 

Sin çkimikala kortikon mşuns ma 
Lazuri birapape mibirti 
Heşo derdoni domibirtaşa 
Mskva lazi bozo man dovirdeti 

Aci ti holo komoxti nana 
Kogelapxedat çkin xvala xvala 
Domici mteli doviğağala nani nana

Nana skidas lazuri tkvala 
Mogaşkuyinen nana vağuras nani nana 
Nana ma mteli miçkin 
Nana aci çkva varimgara 
Mibiri nani nana 

Lazepek xolo heşo ibiran 
Mskva berepe ti xolo dordapan 
Cibuli holo oçandinapan nani nana 
Mcveşepesteyi ti horonapan 

Anci ti mtelik vixelat nana 
Goviçkentinat derdi do mgara
Ağne vibirat lazuri nana